V VISITA AO CENTRO DE DÍA

Nesta sesión semanal comezamos a probar as actividades deseñadas polo alumnado que teñen como obxectivo a dinamización do tempo compartido, escaso pero intenso, nestas mañás dos xoves.
Hoxe comezou Marta cun sinxelo e divertido xogo a través do cal exercitamos a memoria lingüística como vehículo para espertar lembranzas vinculadas á biografía dos/as nosos/as amigos/as. Neste senso debemos destacar a inestimable axuda da dirección do centro, atenta sempre ás nosas dúbidas e indecisións.

Constatamos a necesidade de contextualizar as actividades á singular biografía, marco cultural e diversidade funcional das persoas.
Nas vindeiras sesións seguiremos probando os materiais preparados.