Deixamos o vídeo documental da nosa viaxe a Santiago, no día de onte, 15 de marzo. Tras a visita que fixemos ao Centro de Día da Asociación Agadea, adicada ao coidado das persoas maiores con demencias e da breve pero intensa experiencia de horticultura compartida cun pequeno grupo de persoas usuarias da asociación e do alumnado fixemos un paseo pola zona monumental e polo Campus Sur antes de volver a Padrón. A segunda visita programada para esta xornada foi o Museo Granell, co obxecto de contemplar a colección de arte surrealista do artista e intelectual Eugenio Granell, exilado durante a ditadura franquista na República Dominicana e que doou a súa interesante pinacoteca ao Concello de Santiago de Compostela. Actualmente pode visitarse no Pazo de Bendaña, na Praza do Toural.
No hay comentarios:
Publicar un comentario